::: Lo luquet Occitan :::

 

Lo Luquet Occitan
de Granada de Garona

a per tòca, l'estudi,
la promocion e
lo desvolopament
de la lenga e de la
cultura occitanas

***

a pour but l'étude,
la promotion et
le développement
de la langue et de la
culture occitanes

***

Lo viatge

Adieusiatz totes,

lo viatge a Mirapeis se sarra. Dins un mes seràn nombroses a partejar aquela jornada occitana culturala. Nombroses ? Solide, mas pas mai de cinquanta per mai d’una rason.

Es per aquò que se cal marcar.

Es simple, sufís de nos balhar un mèl a : lo.luquet.occitan@gmail.com

Dins aquel mèl vos cal balhar per objècte : Mirapeis, puèi balhar

  • lo vòstre nom d’ostal :
  • lo pichon nom :
  • vòstra vila de residéncia :
  • vòstre numerò de telefona :
  • lo nombre que seretz :
  • plaças que demòra dins la veitura :

Quand seretz marcats, vos balharai un ligam cap a una lista dels marcats per vos organizar entre vosautres per lo co-veituratge. D’autres informacions seràn balhadas sus aquesta pagina. Se vos pausetz questions trantalhetz pas per o dire. I a un onglet contact per aquò

E doblidetz pas que se siatz pas interessats podètz difusar l’informacion a los qu’aiman la nòstra lenga e la cultura de nòstre país.

A plan lèu

Informacions complementaris:

Adieusiatz brave monde

aquí las darrièras entresenhas per los que van al viatge de Mirapeis.

Per los que cercan una veitura, un primièr rendetz-vos es previst sul parcatge de «l’intermarché» de Granada de Garona. Aquel RV es fixat a 8h del matin, lo temps de se dire bonjorn e de montar dins las veituras.

Per tot lo monde, lo rendetz-vos oficial es previst a 10 oras davant la glèisa de Vals a 15 quilomètres de Pàmias.

La meteò es pas la melhora que siá, benlèu que i aurà un pauc de pluèja per la vesprada. Cal prene los vestits que cal.

Per lo repais fasèm coma de costuma, cadun sa biaça e lo Bernat pòrta lo vin.

Bon viatge.