En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



Se cambiar de farda

Aprenguèri fa pas gaire de temps que se podián logar vestits al mes. Per un cinquantenat d’euròs vos podètz aital far liurar los vestits que vos agradan, los portar pendent una mesada, puèi los tornar o ne gardar a un prètz redusit, e tornar començar. Aital vos podètz far plaser, cambiar d’anar , sense amolonar los articles dins lo garda-pelhas e tot aquò al mendre còst.

Aquela practica de logar vestits existissiá, mas que per d’ocasions excepcionalas e la lòga èra pas que d’una jornada o de qualques oras.

A l’epòca que los vestits s’escampavan pas que quand èran gausits e redusits a l’estat de pelhòt, que lo costume novial durava tota una vida, los que se volián cambiar sense crompar farda novèla, se fasián tintar la vèsta o la gonèla, o se retalhavan dins una rauba anciana una vèsta, una jaqueta novèla, o modificavan la largor del cambal d’un parelh de cauças.

A’n aquela epòca los politics, eles, avián un autre biais per cambiar d’anar. Se vestissián de vèstas reversiblas e puslèu que de se’n crompar o de se’n far ofrir una autra, se viravan la qu’avián. Dins lo nòstre monde novèl, puslèu que de cambiar o de se virar la vèsta se contentan de ne cambiar la signatura. E mai, ambe los poderoses mejans del numeric las vèstas son faitas d’una estòfa que cambía de color, que pòt a l’encòp autan plan verdejar coma blavejar, rosejar o brunir, segond la situacion e l’agach del monde.

D’autres, acrancats a l’ancian monde, se recebon una vèsta, s’afanan de s’anar presentar dins una autra vila o un autre país per n’aver una autra e aital se poder cambiar.

D’autres, preferisson la simplòta camiseta de coton mai ecologica, mens costosa e talament practica per afichar las siás conviccions o per ne cambiar.

E los ciutadans acaban que creson qu’es lo vestit que fa lo monge !

tornar a la lista retour