En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2020
Annada 2019

Audio


Cossi legir l'occitan?
Comment lire l'occitan ?

La velha del cimèl

Ausiguèri la velha del G7, sabi pas sus quina cadena, que totas ne parlavan e qu’èra pas possible d’escapar a la descripcion del dispositiu de securitat desplegat a Biarritz e las consequéncias sus la vida vidanta dels estajans e dels toristas, ausiguèri doncas coma anava viatjar lo president american.

Lo president arribariá a l’aeropòrt de Merinhac-Bordèu e d’aquí se’n aniriá a Biarritz en elicoptèr. L’elicoptèr, disián qu’un avionàs l’aviá portat e que se’n èra tornat un còp l’aparelh descargat. Me diguèri doncas que, un còp lo G7 acabat, l’avionàs lo tornariá quèrre, qu’es fòrça improbable que lo President ne faga present a la França.

Me diguèri tanben que lo president Trump vendriá amb lo Boeing 747 presidencial e que benlèu aquel tanben, un còp lo president davalat, s’en tornariá en America per lo tornar quèrre aprèp lo cimèl. Me diguèri doncas qu’aquò fariá uèit traversadas de la Mar Granda per de portaires bèls per menar un òme - un biais de parlar, que plan segur viatja pas tot solet - al cimèl de Biarritz.

Diguèron tanben dins lo meteis bulletin que benlèu èran pas que de falses preparatius, encantats dins los mediàs per enganar los mal intencionats en tornant far la manòbra del desbarcament de Normandía.

Quand ne palèri al Guston, partiguèt d’una cacalassada :

- Tè, me diguèt, es coma jo, quand vau véser lo bèl-fraire en tren, se me fasiái portar la miá veitura a la gara per un camionàs en plaça d’utilizar la que me prèsta, que lo camionàs se’n tornèsse e que lo sejorn acabat, lo camionàs tornèsse la quèrre. De mai aquò seriá ofensar lo bèl-fraire coma si trobavi que la siá veitura es una ronha !

- Mas digas, contunhèt lo Guston, lo nòstre president a pas dit que voliá botar sus la taula del cimèl lo desreglament climatic e la pesada carbona ?

tornar a la lista retour