En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



Las cigonhas

Foguèt un temps, dins las annadas 60, las cigonhas èran a desaparéisser en Alsàcia : Sus cent quaranta uèit cobles comptats en 1960, ne demoravan pas que nòu en 1974. Totes s’i botèron : una associacion de reintroduccion, los poders publics, e, en 2017, mercés al trabalh complit, se podiá comptar uèit cent cinquanta cobles presents. Al punt que l’aucèl emblematic pòrta malfasenças : de las grandas alas, tòcan los fials de las linhas electricas, e en mai de s’electrocutar, provocavan de micro-trencaduras de corrent. Per resòlvre aquel problèma, ENEDIS es a ficar falsas pilonas electricas, per i atraire las cigonhas e las desvirar dels vertadièrs.

Se passa un bocinèl la meteissa causa per las migracions umanas. De vilatjòts doblidats qu’avián l’astrada d’aver un monument, un site classificat, se regussèron las margas per atraire los toristas. Se creèt una associacion, « los mai polits vilatges de França » per los tirar de l’anonimat e ne tornar lançar l’economia, en ne crear lo labèl.

E toristas, arribèron, a còp de milierats, de centenats de milierats, de còps que i a dins de vilatges de qualques desenats d’estajans ; aital los Bauçes de Provença, - tres cent seissanta estajans - aculhísson un milion cinc cent mila visitaires cada an.

Una capitada ? Benlèu per d’unes qu’an profitat de l’aviada de l’economia. Mas degalhs de la qualitat de la vida pels autres e que, en mai, se devon enfaciar los problèmas per se poder gardar lo labèl : tractament de las bordilhas, entreten de las installacions e de l’espandi public, consum de l’aiga e de l’energia...

Qué far ? Convidar los toristas a s’anar ajocar endacòm mai e se pèrdre la manna de las visitas ? O coma d’unes son a ne parlar, far pagar un dreit d’intrada, que l’argent se’n aniriá a l’entreten del vilatge, çò que se pòt pas demandar a de cigonhas.

tornar a la lista retour