En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2021
Annada 2020
Annada 2019

audio indisponible

Cossi legir l'occitan?
Comment lire l'occitan ?

Las carròtas de la menina

«Manjas carròtas, que vendràs aimable», me disiá la menina, quand fasiái la pòta davant lo platàs familial.

L’influéncia del manjar sus l’umor, las esmogudas, la pensada, foguèt de totjorn lo pensament dels filosòfes. Recentament, experiéncias menadas en Anglatèrra, farián véser qu’un cambiament d’alimentacion pòt modificar prigondament l’anar agressiu de joves presonièrs; dins d’escòlas «sensiblas» lo meteis cambiament auriá redusit lo taus de las malcortesias.

Aquel pensament, sembla èsser tanben lo del nòstre Ministre de l’Interior, que declarèt èsser «trucat» de veire dins un ipermercat «las seccions de tala cosina comunautari e de tala autra de còsta. Es aital qu’aquò comença lo comunautarisme».

Se la «cosina» alal o quasher a una influéncia sus l’anar dels consumaires, en afortissent lo comunautarisme e benlèu lo separatisme, deven urgent de préner mesuras per aparar l’unitat de la Republica. En seguissent l’exemple de çò que se faguèt a prepaus de la mòstra del monilh, poirián desconselhar e perqué pas proïbir aquelas «cosinas», per, a la plaça, recomandar o impausar una «cosina» republicana, portaira de las valors de la Republica, ciment de la nòstra comunautat nacionala, la meteissa per totes.

Mas se trapa en França una multitud de «cosinas», cada region n’avent de còps que i a mai d’una. Poirián seguir per «la cosina» çò que se faguèt a la Revolucion per la lenga nacionala : préner lo manjar lo mai portaire de las valors de la nòstra Civilizacion e de las Lutzes del Progrès e de la Rason, e proïbir totes los autres, apartenent a un passat reaccionari.

Aital lo país se trobariá unit, partejariá las meteissas valors en devorar un hamburger, o un hot-dog, assasonats de ketchup, un punhat de pop-corn, tot aquò acompanhats de veirats de coca-cola, de oisquí o de cervesa americana.

tornar a la lista retour