En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



La cura

Èra davant la pòrta de l’establiment, una sacòta a la man, ambe probable dedins, la panoplia del curista; la boneta e lo malhòl de banh, los esclòps antidesarrapants, un mocador, l'emplec del temps e l’ordenança dins un apara-document.

S’afanava de tirar sus una cigarreta que veniá d’alucar - la darrièra abans de dintrar – e lo fum que bufava per la boca e pel nas montava dins l’aire fresc del matin cap a un panèl que portava lo logò de l’establiment ; Los Tèrmes e la siá orientacion : vias respiratòrias.

Quand l’aurà acabada, l’esclafarà e la recaptarà dins un cendrièr de pòcha, tirarà la pòrta, e dintrarà dins l’establiment. S’aprestarà dins lo vestiari e, capelada, del penchenador que li prèstan, se’n anirà seguir la correguda dels suènhs ; banh nasal, aerosòl sonic, cavitòsonic, banh, dochas generalas al giscle e penetrantas ...

Doas oras mai tard, tornarà sortir.

Tanlèu defòra alucarà una autra cigarreta que fumarà tot en caminant cap a la siá veitura.

tornar a la lista retour