En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



La boita de mongetas

Quand comencèt de se parlar d’un novèl confinhament, l’Alcide, vièlh celibatari, que se soveniá de «la crisi» qu’aviá coneguda drollet, se roncèt al supermercat e emplenèt un carreton de pastas, cafè, ris e sustot de consèrvas de ceses, carròtas, mongetas, lentilhas, e autres plats aprestats.

Mas una nuèit, que lo ser s’èra dubèrt una boita de mongetas a la salsissa de Tolosa, foguèt desrengat e se deguèt levar tres còps. « Son causas qu’arriban, çò diguèt, e me caldriá, benlèu, d’ara enlà, evitar aquela cosina pesuga lo ser!»

Çaquelà, contunhèt de se noirir en pescant de quora en quora dins la resèrva qu’èra pas prèsta de s’agotar : la vida s’èra tornada organizar, e ara lo monde s’aprovesissián en circuits cortets, suls mercats que se tornavan dobrir, en çò dels productors, e l’Alcide se dobrissiá una boita pas que quand aviá la canha de cosinejar.

Un jorn, una brèva – flash en francés – li aprenguèt qu’una persona, malauta d’aver manjat una boita d’adòba, portava lo clam contra una conservariá. E li tornèt a l’Alcide la nuèit de las mongetas. Èra pas de buòu, èra de salsissa qu’aviá manjada, mas rai, èra de la meteissa conservariá !

L’endeman contèt l’afar al Guston.
- Ara que las laissas del supermercat tornan èsser plenas de consèrvas de totas las marcas, me vau desbarrassar d’aquelas, que, de tot biais, n’aviái tròp crompadas e auriái pas pogudas acabar abans la data de perempcion. Las tornar vendre, serà pas aisit, las balharai a una associacion caritativa, que los desprovesits ne profiten!
- As pas vergonha, li respondèt lo Guston, qué diriás se fasián aital pels vaccins ?

tornar a la lista retour