En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



Fumada de colera

Cresiáu que las taxas suls carburants e sustot sul gasòl, èran una mesura que se marcava dins la lucha contra lo cambiament climatic.

Nani, dins aquela mesura un punt m’aviá escapat. La compreneson se m’esclaitèt quand ausiguèri que los Franceses d’en-bas, los darrièrs de la cordada, los doblidats de la creissénça, « clopavan e rotlavan al diesèl, » segond las paraulas d’un responsable politic. Comprenguèri doncas qu’aqueles paures bogres s’anavan crompar las cigarretas en veitura diesèl, lo sol siu mejan de se desplaçar. Lo vertadièr enjòc de l’augmentacion de las taxas sul gasòl èra doncas los dissuadir d’anar al burèu de tabat e los far passar l’enveja de fumar, e, aital los aparar de la devastacion de la nicotina e del quitran. Çaquelà, d’unes se crompan las cigarretas en anant trabalhar e d’autres que fuman pas van trabalhar, portar los mainatges a l’escòla, la menina malauta en çò del metge, far las crompas de l’ostal, ambe veituras diesèl, òc ben, mas sens se crompar pas lo mendre pecic de tabat.

Aqueles, que comprenon pas aquelas mesuras de salubritat publica ne fuman de colèra.

tornar a la lista retour