En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



Engolir la capsula

Las pilas redondas, aisidas a engolir, son un dangièr dels bèls pels enfantons, a l’atge que se pòrtan a la boca tot çò que pòdon trapar. Los accidents son nombroses, las pilas podent provocar de cremaduras dins la ventralha.

Per aparar d’aquel dangièr, un fabricant de pilas redondas a imaginat de las revestir d’un produch de marrit gost que balha enveja de las tornar escupir tanlèu que son portadas a la boca, mai eficaç que l’injoncion pairala o mairala : «bèh, cacà !»

A la revèrs, fa de temps que las potingas, pastilhas, cachets, pilulas, son revestidas d’una substància de gost agradiu : sucre, vanilha, fraga, regalécia, cafè... o qué te sabi.

Mas se lo remèdi es pas que revestit, se l’adjuvant agradiu es pas qu’un estrop, e se lo chucatz tròp longtemps, l’amarum vos emplena la boca e vos balha l’enveja de tot escupir. Un autre biais es doncas lo de la capsula, un estug neutre sens gost que conten al dintre la substància activa e que se dissòlv dins l’estomac. Mas, mèfi ! La capsula, la cal engolir d’un còp per pas que vos escampe dins la boca la potinga amara.

Sabi pas dels apoticaris o dels politicians qui a balhat l’idèia a l’autre. Mas los quimistas de la politica son venguts expèrts per trapar lo revestiment agradiu, que nos balharà l’enveja d’engolir la refòrma o la lei del gost amar. De còps que i a lo projècte es embarrat dins la capsula d’un programa. D’unes, que per eles es pas aisit d’engolir quicòm de tròp bèl, la gardan tròp longtemps en boca e del còp la tornan escupir.

Los autres qu’an pas l’abituda de chapulhar, que l’an engolida còp sec, butada d’un veirat d’aiga, sentisson mai tard las cremaduras a l’estomac.

Se se planhon, los reprocharàn alavetz de pas aver legit pro atentivament la notícia qu’èra al dintre de la boita.

tornar a la lista retour