En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



Canhs de garda

Lo vesin del Guston colhona pas sus las questions de securitat. S’es equipat l’ostal d’una videò susvelhança e coma fa pas fisança a l’electronica, a adoptat un canhàs de garda, pegat sul portal lo panèl « canh maissant » e al dessús de la boita de las letras « mèfi al canh » qu’acompanha l’imatge d’un que reganha.

Lo Guston èra anat li far una vesita quand lo canhàs se manquèt de nhacar lo factor que presentava un recomandat.

Lo vesin revirèt lo canhàs, plan segur, mas tanlèu que lo factor aguèt virat l’esquina, l’apelèt, l’alisèt, en li fasent : « brava bèstia, anem, que defend lo siu mèstre ». E anguèt dins la cosina li quèrre una lecariá.

- Alavetz , li diguèt lo Guston, a mancat de se chapar lo factor, e tu lo felicitas e lo recompensas ?

- lo canh fa son trabalh, e lo cal encoratjar : comprendriá pas que quand qualqu’un se presenta a la pòrta quora lo cal pas daissar dintrar, quora lo cal daissar passar.

- Òc ben, mas qualqu’un qu’a pas marridas intencions...

-Vòli tirar al monde l’enveja de me venir desrengar, que totes son prèstes a sasir l’ocasion... e vòli que se sàpia que lo panèl « canh maissant » es pas per rire !

- Mas digas, lo còp que lo canh sautèt la cleda e que nhaquèt dròlles que passavan ....

- Los dròlles l’avián afiscat e de mai aquò los tirarà l’enveja de me venir panar las cerièiras !

Lo Guston, en se’n tornant en çò siu se disiá que se amont naut fasián la meteissa causa en decorant policièrs qu’an agut la maçuga o la granada tròp aisida, la nòstra democracia seriá mal partida.

tornar a la lista retour