En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2020
Annada 2019

Audio


Cossi legir l'occitan?
Comment lire l'occitan ?

L'abric-bus

A l’endreit que lo camin rural rejonh la departamentala an quilhat un abric-bus. Aquí, cada jorn de classa los escolans, collegians, e liceans i espèran lo carri de l’acampatge escolar. Tot lo long d’aquel camin d’un quilomètre e d’un autre el tanben d’un quilomètre que lo rejonh, s’escampilhan un trentenat d’ostals.

Lo maitin, quand an pogut aver oraris que s’endevenon, los parents, en se’n anant trabalhar a la vila, s’empòrtan los dròlles e las dròllas per los despausar al cap del camin, al pè de l’abric-bus. Se la maire demòra a l’ostal, o s’an recaptat un pepin o una menina, son eles que pòrtan los mainatges al cap del camin per lor estalviar los dus cents o tres cents mètres a percórrer, e se’n tornan a l’ostal, l’escolan despausat.

Lo ser, sus la talvera d’un camp que bòrda lo camin, una renguièra de veituras espèran lo carri per los tornar portar a l’ostal.

Lo dimècres del vèspre o lo dissabte, aquelas meteissas veituras portaràn aqueles dròlles e dròllas a d’activitats esportivas divèrsas : fotbòl, rugbi, basquet, tennis, dança, gimnastica... Cal ben que se boleguen e que quiten un bocin los fenestrons !

Lo dròlle, el, demòra al darrièr ostal, al cap del camin, a un quilomètre e mièg de la departamentala. Cada jorn de classa, fa lo camin, maitin e ser, la saca sus l’esquina, en bicicleta.

Lo dròlle, los sius companhs de l’abric-bus se trufan un pauc d’el : es lo sol de tot lo camin a practicar pas cap d’espòrt.

tornar a la lista retour